काठमाडौं– मौसम प्रतिकुल भएका कारण आज मंगलवार सर्वोच्च शिखर सगरमाथामा कुनै पनि आरोही पुग्न सकेनन् । आज सय भन्दा बढी आरोही शिखर पुग्ने तयारीमा थिए। 'सोमवार रातिदेखि चुचुरोतिर लागेका स्वदेश तथा विदेशका सय भन्दा बढी आरोही मौसम खराव भएपछि विभिन्न क्याम्पमा रोकिए,' सगरमाथा आधारशिविरमा रहेका संस्कृति, पर्यटन तथा नागरिक उड्डयन मन्त्रालयका आरोहण सम्पर्क अधिकृत ज्ञानेन्द्र श्रेष्ठले नागरिकन्यूजसँग भने, ‘आठ हजार मिटरमाथिको मौसम एक्कासी बिग्रिएपछि सबै आरोही आरोहण रोक्न बाध्य भए ।' विभिन्न देशबाट आइपुगेका ३ सय ४६ आरोही र तिनका नेपाली आरोहण सहयोगी करिब साढे ५ सयसमेत गरी करिब ९ सय आरोहीमध्ये अधिकांश अहिले ५ हजार ३ सय ८० मिटर उचाइको आधारशिविरमा उपयुक्त मौसम कुरेर बसिरहेका छन् । बढीमा दुई साताभित्र अधिकांश आरोही शिखर पुगिसक्नेछन् । श्रेष्ठका अनुसार ती आरोही मंगलबार रातिदेखि पुन: शिखरतिर लम्कनेछन् । मौसमले साथ दिए ती आरोही भोलि बुधवार बिहान ८ देखि ११ बजेभित्र शिखर पुग्नेछन् । सगरमाथा शिखरमा मंगलबार कुनै आरोही नपुगे पनि सँगैको अर्को हिमाल ल्होत्सेको ६ नेपाली र ४ विदेशीले सफ...